Lindi Yetu Lindi Yetu Author
Title: BENKI KUU YAVUNJA UKIMYA, YAELEZEA HALI YA UCHUMI NCHINI ILIVYO HIVI SASA
Author: Lindi Yetu
Rating 5 of 5 Des:
Gavana wa BOT, Prof. Benno Ndulu Kumekuwa na mijadala ya hapa na pale juu ya kuporomoka kwa u...
Benno Ndulu
Gavana wa BOT, Prof. Benno Ndulu

Kumekuwa na mijadala ya hapa na pale juu ya kuporomoka kwa uchumi na hali ya maisha kuzidi kuwa ngumu baada ya Serikali ya Awamu ya Tano kutangaza kubana matumizi na kudhibiti mianya ukwepaji kodi pamoja na rushwa.

Kitendo hicho kimewafanya watu wa kada mbalimbali na wananchi kwa ujumla kulalama hali ya maisha kuzidi kuwa ngumu kiasi cha kusema pesa zimeadimika hali iliyomfanya Rais Magufuli kusema “watasema hela imepotea … nafahamu ‘trend’ ya watu wanavyohamisha hela kutoka benki kwenda kuficha”.
Rais Magufuli
Akasisitiza “Naweza nikaamua hata siku mbili tatu nikabadilisha hela ili hela walizoficha kwenye magodoro zikaozee huko huko, ni nafuu wazichukue na kuzipeleka kwenye mzunguko zikafanye kazi wajenge uchumi”.

Sasa taarifa iliyopo kwa sasa ni juu ya Benki Kuu ya Tanzania kuvunja ukimya kuhusu hali ya uchumi nchini ambapo Gavana wa BOT, Prof. Benno Ndulu, kusema hali ya uchumi nchini imeendelea kuimarika kwani Tanzania ni kati ya nchi kumi Afrika ambazo uchumi wake unakuwa vizuri ambapo katika robo ya kwanza ya mwaka huu kasi ya ukuaji wa pato la taifa imefikia asilimia 5.5 ikilinganishwa na ongezeko la asilimia 5.7 ya kipindi kama hicho mwaka 2015.

Prof. Ndulu amesisitiza mapato bandarini yameendelea kudhibitiwa na kuongezeka licha ya mizigo kupungua huku akiba ya fedha za kigeni ikiwa ni dola bilioni 4 ambapo amesisitiza juhudi za kuendelea kudhibiti matumizi zimefanyika na kufanya bajeti ya mwaka 2016/17 kutekelezeka bila shida.

Kuhusu tuhuma zinazoenea juu ya baadhi ya watu kuficha fedha na kufanya mzunguko wa fedha kuwa mgumu Prof. Ndulu amesema“fedha nyingi zilizokuwa zikitumika vibaya zimerudi zinasaidia umma moja kwa moja na sio maana yake unawagawia hapana, kama ni elimu, kujenga madarasa, madawati na vitu hivi vyote bado kuna watu watapata shughuli ya kufanya”.
_______________________________________
TAZAMA HAPA SHOW YA USIKU WA VIGOMA JIJINI TANGA, WEMA SEPETU AKIKATA MAUNO.

About Author

Advertisement

Post a Comment Blogger

Toa Maoni Yako Kuhusu habari Hii

 
Top