Loading...

SERIKALI YATANGAZA NEEMA KWA WAKULIMA WA ZAO LA KOROSHO

Waziri Mkuu Kassim Majaliwa amesema serikali imeondoa tozo ya asilimia 15 ya eneo la manunuzi ya vifungashio katika zao la korosho ili kumfanya mkulima kupata tija zaidi.
zao la korosho
Akijibu swali la papo kwa papo la Mheshimiwa Katani Katani (Tandahimba-CUF) aliyetaka kujua ni lini tozo hiyo itaondolewa, Waziri Mkuu Majaliwa amesema tayari tozo hiyo imeshaondolewa na gharama hizo kwa sasa zipo katika mfuko wa wakfu ulioundwa na wadau wa zao hilo na unachangiwa na asilimia 65 ya tozo za korosho zinazouzwa nje.

Amesema mfuko huo wa wakfu unatakiwa kusimamia upatikanaji wa masoko ya zao la korosho, kununua pembejeo, kusimamia uboreshaji na upanuzi wa mashamba na kugharamia tatifi mbalimbali kwa ajili ya kupata ubora wa zao hilo.

Akijibu kuhusu suala la madai ya wakulima ambao korosho zao zimepotea ghallani, amesema mfumo wa uuzwaji wa zao hilo wa stakabadhi ghalani ni wa kiushirika na unasimamiwa na Mrajisi ni vema wakulima wakadai haki yao katika mikutano ya ushirika wao na kama hawaridhiki na majibu waende mahakamani ili kupata haki yao.

Amesema kwa sasa Serikali itahamishia nguvu zake katika kusimamia mazao mengine ya pamba, tumbaku na kahawa kama walivyofanya kwenye zao la korosho ili wakulima wa mazao hayo nao wapate tija.

Akijibu swali la Mheshimiwa Joseph Kekunda (Sikonge-CCM) aliyetaka kujua Serikali inampango gani wa kutatua migogoro ya wakulima na wakulima ,Waziri Mkuu amesema Serikali imechukua hatua mbalimbali katika kuhakikisha inakomesha migogoro hiyo ambazo ni pamoja na kupima maeneo na kuweka mipango bora ya matumizi ya ardhi.

Pia kuweka mipaka katika maeneo mapya na kutumia ranchi zilizopo kwa ajili ya wafugaji wakubwa na kwamba itatenga maeneo ya kilimo na kuyabainisha kwa wananchi ili kuepuka muingiliano uliopo hivi sasa.
You Can Send Us News And Events In WhatsApp Numbers 0787572019

SIDO LINDI YAMWAGA MIKOPO KWA WAJASIRIAMALI YENYE THAMANI YA SH. MILIONI 58

SHIRIKA la Kuendeleza Viwanda Vidogo (SIDO) Mkoani Lindi, limewapatia wajasiliamali 49 mkopo wa thamani ya Sh. milioni 58, kwa lengo la kuinua na kuboresha mitaji ya biashara zao.
Yahya Nawanda
Mkuu wa Wilaya ya Lindi, Yahya Nawanda, alikabidhi hundi za mikopo hiyo, katika ofisi za SIDO mjini hapa.

Akitoa maelezo mafupi, Ofisa Mikopo wa SIDO Mkoa wa Lindi, Salma Ally, alisema huo ni mkopo wa pili kutolewa kwa mwaka huu kwa wajasiliamali wa wilaya hiyo.

Salma ambaye pia ni Kaimu Meneja wa SIDO Mkoa wa Lindi, alisema kati ya fedha hizo, Sh. Milioni 15 zimetolewa kwa vikundi vitano vinavyojishughulisha na kazi mbalimbali.

Alivitaja vikundi hivyo kuwa ni vya mafundi uchomereaji vyuma, ushonaji, mama lishe, ufugaji, uzalishaji chumvi, utengenezaji matofali na watu binafsi.

Akizungumza baada ya kukabidhi hundi hizo, Nawanda aliwataka kutumia mikopo wanayochukua kwa kuifanyia kazi iliyokusudiwa, ili kuwaondoa kwenye lindi la umasikini na kuwa na maisha bora.

Nawanda pia aliwataka wajasiliamali hao kuwa waaminifu na fedha hizo, ikiwamo kurejesha kwa wakati mikopo wanayoichukua, ili kusaidia na wengine.
“Serikali inapenda kuona hii mikopo mnayoichukua inaleta tija kwenu na kwa serikali pia, kutokana na kodi mtazokuwa mnalizilipia,” alisema Nwanda.

Baadhi ya wajasiliamali walionufaika na mikopo hiyo, Iddi Toto na Zuhura Ismaili, kwa nyakati tafauti waliishukuru SIDO kwa kuwajali wajasiliamali katika kuwapatia mikopo ambayo inawasaidia kuinua mitaji yao.

Hii ni mara ya pili kwa SIDO mkoani Lindi kutoa mikopo. Machi, mwaka huu, wajasiliamali 49 walipatiwa mikopo ya zaidi ya Sh. Milioni 49.
You Can Send Us News And Events In WhatsApp Numbers 0787572019

SNURA AFUNGUKA SIRI YA MAUNO YAKE, AFICHUA ALIKOJIFUNZIA

Msanii Snura ambaye video ya wimbo wake wa 'Chura' ulifungiwa na serikali kutokana na kutokuwa na maadili na kukiuka utamaduni wa kitanzania amefunguka na kusema kuwa yeye kukata viuno amejifunzia kwenye ngoma za asili.
Snura
Snura
Snura ameyasema hayo alipokuwa akiongea na waandishi wa habari ambapo alikuwa akitoa ufafanuzi na kuomba radhi kwa watanzania kutokana na video yake hiyo kutokuwa na maadili na kuwadhalilisha wanawake.

"Mimi ni mwanamke na niliwachukua wanawake wenzangu kucheza lakini haina maana kuwa niliwachukua ili niwadhalilishe hapana, ila nakiri kuwa nilichokosea ni kuwaingiza kwenye maji ndiyo maana ilionekana kama ni udhalilishaji kwao. 
Lakini kucheza hakumdhalilishi mtu na ndiyo maana kuwa bendi wachezaji show wake wanakatika hata kwenye ngoma zetu za asili tunakatika, mimi nimejifunza kukatika kwenye ngoma za asili."
You Can Send Us News And Events In WhatsApp Numbers 0787572019

MWANAMKE MWENYE ASILI YA AFRIKA AJITOSA URAIS NCHINI UFARANSA

Mwanamke mwenye asili ya Afrika kutoka nchini Senegal ambaye anatambulika kwa jina la Rama Yade amefahamisha kuwa atawania kiti cha urais katika Uchaguzi Mkuu unaotarajiwa kufanyika nchini Ufaransa ifikapo mwaka 2017.
Rama Yade
Hii ni mara ya kwanza katika historia ya Ufaransa mtu mwenye asili ya Afrika kuwania kiti cha urais.

Ifahamike kuwa Rama Yade mwenye umri wa miaka 39 hivi sasa, aliwahi kufanya kazi katika Ikulu ya Rais katika kipindi ambacho Nicolas Sarkozy alikuwa Rais wa Ufaransa.
Rama Yade
Rama Yade alifahamisha wanasiasa wa Ufaransa wanalojukumu la kutatua tofauti zilizopo katika jamii.
You Can Send Us News And Events In WhatsApp Numbers 0787572019

WALICHOKISEMA AZAM FC MARA BAADA YAKUNYANG'ANYWA POINT 3 NA MAGOLI 3

Shirikisho la soka Tanzania TFF limetangaza rasmi kuwa klabu ya Azam FC imenyang’anywa point tatu na magoli matatu kutokana na kumtumia Erasto Nyoni ambaye alikuwa na kadi tatu za njano, katika mchezo wa 156 wa Ligi Kuu uliokuwa unazihusisha timu za Azam FC dhidi ya Mbeya City.
Azam FC
Baada ya taarifa hizo tulizungumza na afisa mtendaji mkuu wa klabu ya Azam FC Saad Kawemba na kueleza “Kwa sasa tumewapatia hilo suala benchi la ufundi ili waweze kufuatilia na kuona uhalisia wa hicho kinachozungumzwa halafu watatueleza kama ni kweli kosa hilo limefanyika halafu tutajua nini cha kufanya”

Maamuzi ya TFF kuinyang’anya point tatu na magoli matatu Azam FC yanatokana na Kanuni ya 37(4) ya Ligi Kuu Toleo la 2015 inayoelekeza kuwa mchezaji atakayeonywa kwa kadi ya njano katika michezo mitatu hataruhusiwa kucheza mchezo unaofuata wa timu yake.
You Can Send Us News And Events In WhatsApp Numbers 0787572019

UKIZIONA PICHA HIZI ZA MILLEN MAGESE ALIZOWEKA MTANDAONI...MMMHHHH...!!! NI SHEEEDA?!!!!

Miss Tanzania mwaka 2001 na mwanamitindo wa kimataifa Millen Magese ametupia picha kwenye akaunti yake ya Instagram ambazo zimeonekana kuwadatisha njemba wengi.
Millen Magese
Millen kwa sasa yupo kwenye kampeni kubwa ya kutafuta tiba ya ugonjwa wa Endometriosis unaomsumbua kwa miaka 13 mpaka sasa lakini haujamzuia kuonesha urembo wake.
Millen Magese
Mwanamitindo huyo ambaye anafanya kazi zake nchini Afrika Kusini kwa sasa yupo nchini Tanzania kwa ajili ya mapumziko na shughuli zake binafsi amepost picha kwenye Instagram na kuandika: "Tuwe na utamaduni wa kupenda vya kwetu na kusifia vya kwetu . Na kutangaza vya kwetu……Tanzania is beautiful ….. Tutembelee vya kwetu . #SmallVacayInTanzania🇹🇿HyattHotel . Next……Wish to go to Serengeti and Saadani 😊 #TakingTimeOff.”

Tazama picha zaidi:
Millen Magese
 Millen Magese
 Millen Magese
You Can Send Us News And Events In WhatsApp Numbers 0787572019

BAADA YA KUPIGWA STOP SNURA AWASILISHA VIDEO SAFI YA CHURA NA KUWAOMBA WATANZANIA RADHI

Snura amewaomba radhi watanzania kwa video ya wimbo wake ‘Chura’ inayowadhalilisha wanawake na iliyo kinyume na maadili.
Snura
Snura na meneja wake HK wakiongea na waandishi wa habari Alhamis hii
Snura aliongozana na meneja wake, Hemed Kavu maarufu HK kwenye mkutano na waandishi ukumbi wa Habari Maelezo jijini Dar es Salaam Alhamis hii.

“Mimi ni meneja wa Snura Mushi, tunaomba radhi kwa umma na Tanzania kwa ujumla kwa kosa la kutengeneza na kuzindua na kuweka mtandaoni video ya udhalilishaji wa mwanamke na isiyozingatia maadili ya kitanzania,” alisema HK.

“Aidha tunaomba radhi vyombo vya serikali, vinavyosimamia sekta ya sanaa kwa kutokufuata sheria, kanuni na taratibu katika uendeshaji wa shughuli za sanaa hapa nchini. Mimi kama meneja na msanii wangu tunaahidi hatutarudia tena kufanya tukio hilo la udhalilishaji, na iwapo tutarudia adhabu kali juu yetu zichukuliwe,” aliahidi HK.

Aliongeza, “Pia naahidi kuwa mfano bora kwa jamii inayotuzunguka, wasanii wenzetu katika kutunza na kufuata maadili na tamaduni zetu pamoja na sheria za nchi. Hii ni pamoja na kufuata sheria katika mamlaka na taasisi, tunafamu kwamba baadhi ya wasanii hasa hasa wa kizazi kipya, hawajajisajili Baraza la Sanaa la Taifa (BASATA) kama ilivyokuwa kwa msanii wangu, Snura. Lakini kwa sasa baada ya kupata maelekezo kutoka BASATA, Snura ameshajisajili. Pia tunawashauri wasanii kabla ya kufanya video ya wimbo, waende Bodi ya Filamu kwa ajili ya kupata vibali. Mwisho kabisa tunaahidi kutekeleza maazimio na maelekezo yote yaliyotolewa katika kikao cha Wizara. Maagizo hayo ni kutoa video kwenye mtandao wa YouTube na hilo tumeshalitekeleza, kujisajiri BASATA , tayari tumeshajisajili, na tatu ni la kuifanya upya video ya Chura ambapo mpaka sasa tumeshaandaa script na ipo Bodi ya Filamu inakaguliwa na kila kitu kinaenda sawa.”
Jana video na wimbo huo ulifungiwa na wizara ya habari, utamaduni, sanaa na michezo kwa madai kuwa inakiuka maadili ya Kitanzania. Pia alizuiwa kufanya maenesho ya hadhara kwakuwa hajajisajili kwenye baraza la sanaa la taifa, BASATA.

Kwa upande wake Snura alizungumzia kwanini aliamua kufanya video ya namna ile wakati anajua kufanya hivyo ni kosa.

“Labda nizungumze kitu kimoja, unajua kila mmoja ana upeo wake wa kifikiria, mimi wakati naanza hii video, kwa sababu nilijua ni Chura, na Chura anakaa kwenye maji, nikaona video ifanyike kwenye maji. Lakini baada ya kuiangalia video baada ya kuisha na watu nguo zao zilikuwa zimeloa, nikaona hii video haijakaa vizuri, nikachukua maamuzi ya kutoipeleka kwenye television na kuweka kwenye YouTube nikiwa na imani YouTube siyo sehemu ambayo watoto wanaruhusiwa kwenda. Lakini juzi baada ya kuitwa na Wizara nikaambia sheria ya makosa ya kwenye mitandao, hairuhusu kufanya hivyo, hivyo tunaomba radhi kwa kilichotokea,” alisema Snura.
You Can Send Us News And Events In WhatsApp Numbers 0787572019
Older Posts

ADVERTISE WITH US

© Copyright FAHARI YA KUSINI | Designed By LindiYetu
Back To Top