Loading...

RADI YAUWA WATU WATATU WA FAMILIA MOJA - GEITA

Watu watatu wa familia moja wamefaliki Dunia na wengine wawili kujeruhiwa vibaya baada ya kupigwa na Radi iliyotokana na mvua zinazoendelea kunyesha maeneo mbalimbali ya nchi.
radi
Tukio hilo la kuhuzunisha limetokea jana majira ya saa kumi jioni katika kijiji cha Mwendakulima kata ya Butego Rumasa Wilayani Chato mkoani Geita.

Baadhi ya mashuhuda waliozungumza na Lindiyetu.com wamesema watu hao walipigwa na Radi wakati wakiwa nje ya Nyumba yao wakila chakula cha mchana.

Tukio hilo la radi ni la pili kutokea Mwaka huu ambapo hivi karibuni mtu mmoja katika kata ya Mgusu wilayani Geita alipigwa na Radi na kufariki dunia hapohapo.
UNAWEZA KUTUTUMIA HABARI NA MATUKIO MBALIMBALI KUPITIA WHATSAPP NAMBA 0787572019, HABARI ZENYE UHAKIKA PEKEE NASI TUTAZIFANYIA KAZI. ENDELEA KUHABARIKA NA MTANDAO WETU.

NGOME YA CHELSEA YAPATA PIGO

BEKI wa Chelsea Kurt Zouma atafanyiwa operesheni kwenye Goti lake ambalo aliumia Jumapili Uwanjani Stamford Bridge wakati Timu yake ikitoka Sare 1-1 na Manchester United katika Mechi ya Ligi Kuu England.
Zouma
Zouma, Beki kutoka France mwenye Miaka 21, aliumia katika Dakika ya 54 baada ya kutua vibaya aliporuka kupiga Kichwa na Mguu wake sehemu ya Goti kuonekana kupinda.

Uchunguzi wa kina hii Leo umedhihirisha kuumia kwa zile Musuli Kamba ngumu za Gotini [Anterior cruciate ligament] na hivyo kupaswa kufanyiwa Operesheni ili kutibu.

Kawaida, Mchezaji akipata majeruhi ya aina hii, ikiwa hatapata matatizo mengine, basi huwa nje ya Uwanja si chini ya Miezi 6.
Zouma
Zouma ameichezea Chelsea Mechi 32 Msimu huu na tayari alishaichezea France Mechi 2 za Kimataifa na alikuwa na kila nafasi kuichezea Nchi yake Fainali za Kombe la Mataifa ya Ulaya, EURO 2016, zitakazochezwa Nchini France kuanzia Juni Mwaka huu.

RATIBA YA LIGI KUU ENGLAND
Jumamosi 13 Februari 2016

1545 Sunderland v Man United

[Mechi kuanza Saa 12 Jioni]
Arsenal v Leicester
Bournemouth v Stoke
Crystal Palace v Watford
Everton v West Brom
Norwich v West Ham
Swansea v Southampton
Chelsea v Newcastle

Jumapili 14 Februari 2016
1630 Aston Villa v Liverpool
1900 Man City v Tottenham
UNAWEZA KUTUTUMIA HABARI NA MATUKIO MBALIMBALI KUPITIA WHATSAPP NAMBA 0787572019, HABARI ZENYE UHAKIKA PEKEE NASI TUTAZIFANYIA KAZI. ENDELEA KUHABARIKA NA MTANDAO WETU.

BAADA YA LULU KUTANGAZA DAU LAKE KAMA UNAMUHITAJI, SHILOLE NAE KAJA NA DAU HILI HAPA

Amepanda dau? Msanii wa Bongo Fleva, Zuwena Mohamed ‘Shilole’ amefunguka kuwa bila mtu kuwa na kiasi cha Sh. Milioni 20 mkononi, hawezi kucheza filamu yake kwa kuwa kwa sasa anaona kama ni kumpotezea muda.
Zuwena Mohamed ‘Shilole’
Akipiga stori na Ijumaa Wikienda, Shilole au Shishi Baby alifunguka kuwa soko la filamu Bongo, linashuka na pia wasanii wanatumia muda mwingi lakini wanapata malipo kidogo tofauti na nguvu pamoja na muda waliotumia.
“Kama mtu akinitaka kwa sasa ili nicheze filamu yake awe na milioni 20 ndiyo nifanye maana ni kitu ambacho kinachukua muda sana halafu malipo yake ni kidogo,” alisema Shilole.

Elizabeth Michael (Lulu)
Juzi kati Msanii wa filam Elizabeth Michael (Lulu) nae aliweza kutangaza Dau lake ambalo ni Tsh milion 15, Lulu alieleza kuwa sababu ya kuweka kiasi hicho cha fedha ni kwamba Tayari ameshajijengea jina kwa miaka mingi hivyo kiasi hicho ni kidogo kulinganisha na Uthamani wake.
“Kufanya filamu kwa milioni 15 sio hela nyingi, watu wanaongea tu kwa sababu hawajui nini kipo ndani yake. Mimi nikipewa milioni 15, mavazi pamoja na kila kitu najitegemea.” Alisema Lulu
UNAWEZA KUTUTUMIA HABARI NA MATUKIO MBALIMBALI KUPITIA WHATSAPP NAMBA 0787572019, HABARI ZENYE UHAKIKA PEKEE NASI TUTAZIFANYIA KAZI. ENDELEA KUHABARIKA NA MTANDAO WETU.

BAADA YA KUWA NA MAPENZI MOTO MOTO, SASA NI PAKA NA CHUI BAADA YA KUBWAGANA

Msanii wa muziki Nuh Mziwanda amedai kuvunjika kwa uhusiano wake na Shilole kumezaa uadui kati yao.
Nuh Mziwanda na Shilole
Akizungumza katika kipindi cha Planet Bongo cha East Africa Radio, Jumatatu hii, Nuh alidai imefikia hatua Shilole amehack akaunti yake ya istagram.
“Baada ya mapenzi kuisha mi nimekuwa adui yake, amehack akaunti yangu ya instagram. Najaribu kuwacheki watu wa kuirudisha akaunti yangu wanashindwa kunirudishia anabana kila sehemu,” alisema

“Kuna vitu ananifanyia vidogo vidogo ambavyo nimefanya kugundua kuwa hakuwa mwanamke mzuri kwangu, alikuwa anashindwa kuonesha true colour yake nimekuja kuijua baada ya kuachana naye”, alisema Nuhu.

Katika hatua nyingine Nuh alisema iwapo wangeachana kwa amani na Shilole asingelazimika kuifuta tatoo ya mpenzi wake huyo, kwani ni ukweli usiopingika kwamba amemsaidia katika maisha yake.
“Mi ningeiacha tatoo kama Shishi ningeachana nae poa, kila mtu na maisha yake fresh tukionana tunasalimiana hakuna noma, lakini mwenzangu kwenye interviews anasema, akiitwa kwenye interview anaongea hiki kwamba mimi sina kitu, sijui nashindwa kusurvive nakula magengeni, anaongea vitu vingi ambavyo anajaribu kutoa fan base yangu, angekuwa mtu mzuri baada ya kuachana naye, tatoo ningeiacha kwa sababu ningejua bado kabaki kuwa rafiki yangu na ni mtu ambaye alinisaidia”, alisema Nuh.

Hata hivyo Nuh alisema yeye binafsi hana chuki na msanii huyo ambaye alikuwa naye kwenye mahusiano.
UNAWEZA KUTUTUMIA HABARI NA MATUKIO MBALIMBALI KUPITIA WHATSAPP NAMBA 0787572019, HABARI ZENYE UHAKIKA PEKEE NASI TUTAZIFANYIA KAZI. ENDELEA KUHABARIKA NA MTANDAO WETU.

HII HAPA TAARIFA MPYA KUTOKA IKULU KWA UMMA

Taarifa kwa uma
UNAWEZA KUTUTUMIA HABARI NA MATUKIO MBALIMBALI KUPITIA WHATSAPP NAMBA 0787572019, HABARI ZENYE UHAKIKA PEKEE NASI TUTAZIFANYIA KAZI. ENDELEA KUHABARIKA NA MTANDAO WETU.

MADIWANI NACHINGWEA WALIA NA WAKALA WA HUDUMA ZA MISITU

Baadhi ya madiwani Nachingwea
Na. Ahmad Mmow,Nachingwea.
Baadhi ya madiwani na wafanyabiashara wa mazao ya misitu Wilayani Nachingwea mkoani Lindi, wamelalamikia urasimu wa utoaji wa vibali vya kusafirishia mazao ya misitu, unaofanywa na wakala wa huduma za misitu(TFS) unaosababisha wafanyabisha wa mazao ya misitu kukwepa kwenda vijijini kununua na kuvuna mazao ya misitu.

Madiwani na wafanyabiashara hao, waliyasema hayo kwenye kikao cha mrejesho wa mchakato wa uwajibikaji wa jamii katika usimamizi wa misitu, kilichoendeshwa na kuandaliwa na shirika lisilo la kiserika la jukwaa la sera (Policy forum) kwa ufadhili wa kampeni ya mama misitu, kilichofanyika jana, mjini Nachingwea.

Walisema kumekuwa na urasimu mkubwa unaofanya na wakala huduma za misitu katika utoaji wa vibali vya kusafirishia kwa wafanyabiashara. Hali inayosababisha wafanyabiashara kukwepa kwenda vijijini kununua na kuvuna mazao ya misitu na kusababisha soko la mazao kuwa gumu.

Mfanyabiashara, Polycap Cassian alisema kutokana na urasimu uliopo wakupata vibali vya kusafirishia, wafanyabiashara wanaogopa kwenda vijijini kuvuna na kununua mazao ya misitu. Hivyo wananchi ambao walikuwa na matarajio ya kunufaika na misitu wanakata tamaa.

Alisema kuna mzunguko mrefu wa kupata vibali vya kusafirishia, ambao unasababisha wapoteze muda mwingi wa kufanyabiashara. Hivyo alishauri vijiji vipewe uwezo wa kutoa vibali vya kusafirishia.
Misitu
Diwani wa kata ya Mkotokuyana, Sada Makota, licha ya kulaumu urasimu katika utoaji wa vibali hivyo, lakini pia alilaumu mamlaka hiyo kugonga na kuweka alama zinazoruhusu kusafirishwa mbao zilizopasuliwa kwa kutumia misumeno ya moto(chain saw).
"Ingawa halmashauri imewaagiza maofisa wake wa idara ya maliasili kutogonga mbao zilichanwa kwa chenisoo lakini wenzetu wanazigonga na kuziruhusu zisafirishwe,"alisema Saada.

Mwenyekiti wa halmashauri ya wilaya ya Nachingwea, Ahmad Makoroganya, alisema ingawa wamekuwa wakitoa maagizo kwa maofisa waliochini ya halmashauri kutozigonga mbao zilizopasuliwa kwa misumeno hiyo, lakini imekuwa ni vigumu kudhibiti uvunaji unaotumia mashine ya hizo.

Kwamadai kuwa maagizo hayo yanaishia na kutekelezwa na maofisa hao waliochini halmashauri, wakati maofisa wa wakala huduma za misitu wazigonga na kuzipitisha.

Alisema hakukuwa na sababu ya wilaya kuwa na mameneja wa wakala wa misitu wakati kunamaofisa wa misitu wa wilaya.
"wakati misitu ipo ndani ya vijiji, wanatuletea meneja wasio wajibika kwetu" turejeshewe mamlaka kamili kwenye misitu, maana kunakitu hapa pembeni kinatuangusha,"alisisitiza Makoroganya. 

Ofisa misitu wa Wilaya ya Nachingwea, Paiton Kamnana, alisema ingawa sheria inasema ofisi za idara za misitu inaweza kutoa vibali hivyo, lakini utekelezaji wake bado kufanyika na wizara ya maliasili na utalii.

Alishauri kuwepo mawasiliano ya mara kwa mara baina ya Halmashauri ya Wilaya na ofisi ya kanda ya wakala wa huduma za misitu kwani dhamira na malengo ni ya aina moja ambayo ni kuona jamii na taifa linanufaika na maliasili zilizopo nchini.
UNAWEZA KUTUTUMIA HABARI NA MATUKIO MBALIMBALI KUPITIA WHATSAPP NAMBA 0787572019, HABARI ZENYE UHAKIKA PEKEE NASI TUTAZIFANYIA KAZI. ENDELEA KUHABARIKA NA MTANDAO WETU.

DUNIA YAAGIZWA KUMALIZA UKEKETAJI 2030

Idadi ya Watu Duniani (UNFPA)
WATENDAJI wakuu wa mashirika mawili makubwa ya Umoja wa Mataifa ya Shirika la Umoja wa Mataifa linaloshughulikia Idadi ya Watu Duniani (UNFPA) na Shirika la Kimataifa la Kuhudumia watoto (UNICEF) wametoa wito kwa dunia kujipanga vyema kumaliza kabisa tatizo la ukeketaji (FGM) ifikapo mwaka 2030.

Katika kauli zao walizotoa katika taarifa ya pamoja iliyotolewa na ofisi ya Mratibu wa Mashirika ya Umoja wa Mataifa mjini Dar es salaam watendaji hao Mkurugenzi Mtendaji wa UNFPA Dk. Babatunde Osotimehin, na Mkurugenzi Mtendaji wa UNCEF, Anthony Lake, wamesema ipo haja ya dunia kuadhimisha siku hiyo kwa kulenga kuwa na kiwango sifuri katika vitendo vya ukeketaji.

Mashirika hayo ya Umoja wa Mataifa yamesema kwamba ukeketaji ni vitendo vya kikatili vinavyowanyima wanawake haki yao ya msingi na kuwazuia kuchanua inavyostahili kama wanawake.

Viongozi hao wamesema kwamba vitendo vya ukeketaji vimesambaa duniani kote kuanzia Afrika, Mashariki ya Kati ambako imekuwa kama vitu vya kawaida vikiathiri pia familia katika nchi za Asia Australia, Ulaya, Amerika ya Kaskazini na Kusini.

Wamesema kwamba kama hatua zisipochukuliwa kutokomeza ukeketaji idadi ya mabinti na wanawake wanaoweza kuingizwa katika mkumbo huo itakuwa inaongezeka ikiwapeleka katika mzunguko ule ule wa kushamirisha ukeketaji na kurejesha nyuma maendeleo ya wanawake na binadamu kwa ujumla kama familia.
“Ili kuhami utu wa mwanamke, tunahitaji kuchukua hatua sasa na kuwajibika kama dunia kutokomeza ukeketaji". ilisema sehemu ya taarifa ya viongozi hao kwa vyombo vya habari.

Septemba mwaka jana katika mkutano wa kutengeneza mpango wa kimataifa wa maendeleo endelevu, nchi 193 zilikubaliana kuhakikisha kwamba ukeketaji unakuwa umetokomezwa ifikapo mwaka 2030.

Taarifa hiyo imesema kwamba ili kufanikiwa wananchi wanatakiwa kushawishi familia nyingi duniani hapa kuachana na tabia ya ukeketaji.
“Tunahitaji kufanyakazi na idadi kubwa ya wataalamu wa tiba katika jamii zetu – wakiwemo waganga wa jadi na wataalamu wa kisasa wa matibabu, tukiwashawishi wakatae kutoa huduma ya ukeketaji.” Ilisema taarifa hiyo.

Aidha taarifa hiyo hiyo imetaka wanawake waliofanyiwa ukeketaji kusaidiwa huduma mbalimbali zikiwamo za kisaikolojia na nyingine zinazostahili ili kuwapunguzia maumivu waliyoyapata na wanayoendelea kuyapata kutokana na kukeketwa.
UNAWEZA KUTUTUMIA HABARI NA MATUKIO MBALIMBALI KUPITIA WHATSAPP NAMBA 0787572019, HABARI ZENYE UHAKIKA PEKEE NASI TUTAZIFANYIA KAZI. ENDELEA KUHABARIKA NA MTANDAO WETU.

DIRECTOR ADAM JUMA ATOA YA MOYONI BAADA YA KUITAZAMA VIDEO YA "LUPELA" YAKE ALIKIBA

Alikiba na Adam Juma
Siku moja baada ya staa wa bongofleva Alikiba kuiachia video ya ngoma yake "Lupela", leo Director wa long time Tanzania Adam Juma ameyatoa yake ya moyoni kupitia account yake ya instagram baada ya kuona comments za watu wengine wakiikosa video yenyewe.
Alikiba
“Lupela @officialalikiba , this is art, watanzania hatujui kuidadavua art. Hatujui thamani ya kitu, tunachukulia kiurahisi urahisi tu, kila mtu anajifanya anajua kitu ambacho sio sawa. Hii sio video tu, tulia basi angalia kwa umakini utapata ujumbe usipoelewa inawekana tatizo lipo kwenye level yako ya kuchanganua ujumbe ktk picha, btw sio fan wa alikiba ni mwana tu. Ningependa kusema video ni A one, haifanani na kitu ambacho tumezoe!!! Go kiba…...”Adam Juma
UNAWEZA KUTUTUMIA HABARI NA MATUKIO MBALIMBALI KUPITIA WHATSAPP NAMBA 0787572019, HABARI ZENYE UHAKIKA PEKEE NASI TUTAZIFANYIA KAZI. ENDELEA KUHABARIKA NA MTANDAO WETU.

LICHA YA KUSAJILIWA KWA DAU KUBWA OLD TRAFORD, DEPAY ASHUSHWA SASA KUCHEZA U21

Kocha wa Man United Louis van Gaal bado anahangaika kutetea kibarua chake kwa kuhakikisha kuwa timu ya Man United inafanya vizuri, Louis van Gaal anatajwa kuwa katika mikakati ya kuhakikisha Man United inamaliza ikiwa nafasi nzuri, kitendo ambacho huenda kikawafanya viongozi wa Man United kubadili mawazo.
Memphis Depay
February 8 ikiwa zimepita saa 24 toka uchezwe mchezo kati ya Man United dhidi ya Chelsea, kocha wa Man United Louis van Gaal kaamua kumshusha Memphis Depay katika kikosi cha wachezaji wenye umri chini ya miaka 21, Van Gaal amemshusha staa huyo na atacheza katika mchezo kati ya Norwich City usiku huu, lengo likiwa ni kutaka aongeze kiwango kutokana na kutofanya vizuri katika mchezo wa February 7 dhidi ya Chelsea na kumalizika kwa sare ya goli 1-1.
Depay
Depay aliyesajiliwa dirisha kubwa la usajili la mwezi wa August 2015 kwa dau la pound milioni 25 akitokea klabu ya PSV Endhoven ya kwao Uholanzi, amekosolewa na wachambuzi na mashabiki wa soka kwa kuonesha kiwango kibovu katika mchezo dhidi ya Chelsea.

Depay Jumamosi ya February 13 2016 atatimiza rasmi umri wa miaka 22.
UNAWEZA KUTUTUMIA HABARI NA MATUKIO MBALIMBALI KUPITIA WHATSAPP NAMBA 0787572019, HABARI ZENYE UHAKIKA PEKEE NASI TUTAZIFANYIA KAZI. ENDELEA KUHABARIKA NA MTANDAO WETU.

CHAMA HICHI NACHO CHAJITOA KUSHIRIKI UCHAGUZI WA MARUDIO ZANZIBAR

Chama cha APPT Maendeleo, kimetangaza rasmi kwamba hakitashiriki Uchaguzi Mkuu wa marudio kutokana na kupoteza imani na Tume ya Uchaguzi Zanzibar (ZEC), baada ya kufuta kibabe matokeo ya uchaguzi wa Oktoba 25 mwaka jana.
Peter Kuga Mziray
APPT kinakuwa chama cha pili kutangaza kutoshiriki uchaguzi huo wa Machi 20 baada ya Chama kikuu cha upinzani Zanzibar, CUF kutoa tamko lake kama hilo mwezi uliopita.

Msimamo wa APPT umetolewa na Mwenyekiti wa Chama hicho, Peter Kuga Mziray katika barua yake kwa (ZEC), ambayo nakala yake ilisambazwa kwa vyombo vya habari Zanzibar.

Mziray alisema njia iliyotumiwa na Mwenyekiti wa ZEC, Jecha Salim Jecha kufuta matokeo ya uchaguzi haikuwa ya kisheria hivyo APPT Maendeleo haitambui kufutwa kwa uchaguzi huo.

Alisema kwa kuwa chama chake hakitambui kufutwa kwa matokeo ya Uchaguzi Mkuu wa mwaka jana, hakioni sababu ya kufanyika kwa uchaguzi wa marudio Zanzibar.

“Tunapenda kuthibitisha kwamba Chama chetu cha APPT Maendeleo hakitashiriki katika uchaguzi huu na tunaitaka ZEC ihakikishe inakiondoa chama chetu katika orodha ya vyama vitakavyoshiriki katika uchaguzi wa marudio uliopangwa kufanyika Machi 20 mwaka huu,” alisema.

Mzirai alisema kitendo cha Mwenyekiti wa ZEC kutangaza kufuta matokeo hayo bila kuwashirikisha wadau wa uchaguzi huo, ilikuwa ni dharau dhidi ya wagombea waliokuwa wakishiriki uchaguzi huo.

“Tunajihisi tumedharauliwa sana kwa kitendo ulichofanya Oktoba 28 mwaka 2015 kufuta uchaguzi kama ulivyotangaza wa marudio bila ya kukaa pamoja na wadau wakuu wa uchaguzi,” ilisema taarifa ya Mziray.

“ZEC haiko huru na haiwezi kusimamia uchaguzi wa huru na wa haki Zanzibar.”

Aidha, taarifa ilisema Wazanzibar wameonyesha woga na wasiwasi mwingi tangu kufutwa kwa matokeo ya uchaguzi kutoka na serikali kuendelea kuimarisha ulinzi mkali mitaani kabla ya kufanyika uchaguzi huo.

Katika matokeo ya uchaguzi yaliyofutwa, APPT Maendeleo hakikusimamisha mgombea wa urais wa Zanzibar hata hivyo.
Pia taarifa ya chama hakueleza kilisimamisha wagombea wangapi wa Uwakilishi na udiwani katikamajimbo 54 ya Unguja na Pemba.
UNAWEZA KUTUTUMIA HABARI NA MATUKIO MBALIMBALI KUPITIA WHATSAPP NAMBA 0787572019, HABARI ZENYE UHAKIKA PEKEE NASI TUTAZIFANYIA KAZI. ENDELEA KUHABARIKA NA MTANDAO WETU.
Older Posts
© Copyright FAHARI YA TANZANIA | Designed By LindiYetu
Back To Top